Ang misyon ng Angkasangga 107 Partylist ay ipaglaban ang karapatan at pagkilala sa mga motorcycle taxi riders at bigyang lakas at suporta ang impormal na sektor - isang sektor na matagal nang hindi nabibigyan ng sapat na pansin at pagkilala.

Layunin naming itaguyod ang isang sistemang kumikilala at sumusuporta sa mga manggagawang impormal, kabilang ang MC Taxi riders, TODA, at iba pa.

Upang maisakatuparan ito, isusulong namin ang Motorcycle Taxi For Hire Law upang protektahan ang libu-libong MC Taxi riders na nanganganib mawalan ng hanapbuhay.

Dagdag pa rito, ipaglalaban din ng Angkasangga 107 Partylist ang inklusyon ng two-wheels sa national transport agenda upang matiyak ang ligtas, maayos, at patas na regulasyon para sa mga rider at pasahero, kasabay ng patuloy na pag-unlad ng sektor.

Bukod dito, isusulong namin ang Magna Carta for TODA upang bigyang-proteksyon at benepisyo ang tricycle operators at drivers, kabilang ang accident insurance at iba pang social benefits, na magtitiyak ng mas maayos na kondisyon sa kanilang hanapbuhay.

Sa pamamagitan ng mga repormang ito, layunin ng Angkasangga 107 Partylist na bigyan ng nararapat na pagkilala, proteksyon, at oportunidad ang mga rider, driver, at buong impormal na sektor—na matagal nang nagsisilbing pundasyon ng ating transportasyon at ekonomiya. Sa ganitong paraan, matutulungan silang makaahon sa hirap ng buhay patungo sa pormal na sektor.